top of page
Search

10 خطوات ليكون عرسك مثالي!

حاسة حالك ضايعه وسط قائمة الto-do list؟ الاشخاص يللي لازم تلفنيلهم وتحكي معهم، القرارات يللي لازم تتخذيها؟

حضرنالك هالدليل يللي بيركز اهم 10 خطوات لازم تتخذيها بالوقت المناسب لحتى عرسك يكون مثالي. ما عليكي اللا تسجلي ملاحظاتك!



بعد ما عرض عليكي الزواج، وانتي قلتي نعم!، دايما بتيجي لحظة يللي بتستوعبي فيها كل شي، كلشي رح يتغير، ولكن قبل في كتير خطوات لازم تقومي فيها! انت بحاجة تخططي حفلف الزفاف الخاص فيكي بأكمله!، وشوي شوي الفرح والاثارة لما لبستي خاتم الخطوبة بلشت تتلاشى؟ ارتبكتي؟ أي الوان ح اختار؟ كيف رح اختار فستاني؟ أي اكسسوارات رح يناسبو؟ مين رح يقعد جنب عمتو نبيلة؟؟ كتير اسألة، لكن عنا برضو كتير اجوبة (ما عدا عمتو نبيلة).


خدي نفس عميق، اتذكري هيدا ماراتون مش هرولة!، بلشي بهالخطوات والباقي كلو حيمشي عال العال.


1. أحلمي والحلم كبير!


بلشي بالصورة الكبيرة. اتخيلي حفل زفافك، شو ما كان الحلم، هادا اهم يوم في حياتك، ومن حقك تحلمي، مهما كان أنيق، غريب، كلاسيكي او اي طابع اخر، بلشي بالصورة الكبيرة. ولما ترسي عالفكرة والنمط، تجهي لمواقع مثل بينترست، احفظي الصور في ملفاتك، الصور حتساعدك تبني الافكار بشكل ملموس اكثر، وتطبقي قسم منهم عأرض الواقع.

اختاري الألوان، نمط ربيعي؟ عتيق؟ قصة خيالية ؟ أسالي نفسك، كيف بتحبي تعيشي يومك الخاص، كيف بأمكانك تحتفلي وتبجلي الحب والعلاقة الفريدة من نوعها يللي بدأتيها مع هالشخص المميز.




2. ما تنسي تفكري بمساعدة بروفيشينال


وهالشي بيعتمد 100% عليكي!

بعض الاشخاص بيحبو الضجة والعجقة، التخطيط والترتيب لحفل زفافهم، وبدهم يكونو القادة في صنع هالقرار.

إنتي من أي نوع؟



3. تنظيم، تنظيم، تنظيم ومن ثم التنظيم!


لما الشي بيتعلق بتخطيط الحدث، التنظيم الممتاز هوي المفتاح. سواء كان في ملف على جوجل درايف، أو بالطرق التقليدية أكثر، دوسية او دفتر منظم للتخطيط يللي بأمكانك ترجعي لكل المعلومات بسهولة في، نمر التلفونات، لوائح اسعار، احتمالات مختلفة يللي فحصتوهم، كل شي في نفس المكان. هالشي بيمنع البلبلة واتخاذ القرارات الخاطئ.


اصنعي لائحة بالمهام المطلوبة، افكارمختلفة، والميزانية طبعا. ادارة الميزانية من اهم العوامل لانجاح حفل زفافك وراحة بالك. سجلي على هالدفتر أو هالملف المبلغ يللي مخططين تصرفوه على كل شيء، واهتمو تحصلو على عروض مناسبة وبرضو سجلوها.

بهالطريقة برضو بكون بأمكانك تقرري ان في مطارح معينة ممكن تكبري الميزانية أو تصغريها حسب الحاجه، لانو ببساطة كل المعلومات متوفرة.


4. وين ومتى؟


يعد حجز المكان وإيجاد الوقت المناسب لأكبر عدد ممكن من الأحباء أمرًا شاقًا للغاية ، لهيك فإن العثور على مكان لأخذ عهودك في أقرب وقت ممكن أمر جدا مهم!. فكري في الموسم يللي رح يناسبك افكارك ؛ أي طقس بتبحثي عنه؟ ربيع دافئ جميل أم شتاء منعش وحميم؟ ولما تختاري ، تذكري كيف بدك تظهري بالصور، وفكري كيف رح تتواجدي في هالمكان. من حفلات الزفاف إلى الكنيسة الكلاسيكية ، الاحتمالات كتيرة وعديدة، وما بيبقى غير تختاري وتقرري عالبكير.



5. لوك حفل الزفاف


أ. الفستان

نصيحتنا الك عزيزتي في هالسياق، ان تنسي اي قاعدة حكولك ياها.

القاعدة الوحيدة هي ان تختاري الفستان اللي بناسب ذوقك وبيشبهك، الفستان يللي رح تحسي فيه انك اميرة. ما تسمعي لكتير نصائح، او كلام البياعين في البوتيكات، وطبعا كلشي بحدودو، لانو مرات النصائح فعليا بتكون مفيدة، وهون بتيجي وضيفتك عزيزتي تقرري شو بدك تسمعي، وكيف بدك يكون التنفيذ.

واهم شي وقت تختاري، تتذكري تتخيلي نفسك عم ترقصي بيوم زفافك في هالفستان، حبيتي ؟ اذا اعتمديه.


ب. اكسسوار الشعر

كوني اكيدة عزيزتي انو هاللمسة الاخيرة، هيي يللي رح تكمل اللوك الخاص فيكي. نصيحتنا الك، برضو تختاري القطع يللي بتشبهك وبتعبر عنك، واتذكري انو حتكوني معتمديتهم وانت عم ترحبي بضيوفك، والاضواء بتتسلط عليكي، انت وعم ترقصي والكاميرات عم تلتقط صورك وتخلد فيديوهات.

اختاري الهيدبيس أم اكسسوار الشعر أو التاج يللي رح يخليكي تشعي وسط حفل زفافك، واكيد يللي بناسبك فستانك وبيكمل مظهرك.

بأمكانك تتفقدي هالمجموعات الرائعه من ديجور لحتى تحصلي عالالهام.


6. الحفلة


اختيار نمط الحفلة هوي احد اهم المراحل، تذكري انو هدول همي الناس الاوائل يللي اتصلتي فيهم لما قلتي "نعم"، هدول همي الناس يللي رح يرقصو وتقضو السهرة سوا، ذكرياتك رح تكون مبنية معهم.


7. لائحة المعازيم


غالبا، هالموضوع بيشكل عبئ ومسؤولية كبيرة، من اصعب المراحل في التخطيط لحفل زفافك. هالشي بيتطلب منك تحددي أولا المرحلة السابعه -الحفلة- لحتى تقرري مين الدوائر يللي رح تدعيها، قرار جدا صعب لأي زوج ان يختارو حفل صغير، عائلي وحميم، وبالتالي رح ينجبرو ما يعزمو قسم كتير كبير من المعارف والاصحاب. في هالمرحلة، نصيحتنا ان تستشيري احبائك وشريكك، وتفكرو سوية شو القرار الانسب، واتذكري انو هالمناسبة هي بتمثل اسعد اوقات حياتك، يللي بتحبي تقضيها باحتفالات مليئة بالفرح والسعادة.


8. لائحة الطعام


اتذكري انو لائحة الطعام هيي بتمثل وقود الرقص لمعازيمك!. في مرحلة التنظيم اشرنا لادارة الميزاينة، وهون واحد من المطارح يللي رح ترجعي للميزانية فيهم. ركزي عأنواع الطعام يللي انت بتحبيها لكن مع الاخذ بعين الاعتبار اي قيود ممكن تكون موجودة عند ضيوفك.


9. شهر العسل


مع انو من الناحية الفنية، لا يعتبر هالجزء من حفل الزفاف، لكنه بالتأكيد مهم!. هالقرار واحد من القرارات يللي لازم تتخذوهن بشكل مشترك، ركزو عنوعية العطلة يللي بتحبو تقضوها، وفكرو باستشارة وكيل سفر ورحلات لتعرفو اكثر عن الطقس في البلد يللي رح تروحولها ومدى مناسبتها للعطلة يللي بتتقعوها!. واتذكرو انو أولا واخرا هادا هوي وقتكو مع بعض والهدف منو الاسترخاء والاستمتاع.


10. السعادة الابدية


بهالمرحلة، انتي على وشك الوصول إلى هناك.. الصفحه الاخيرة من كتب القصص الخيالية يللي قرأتيها لما كنتي طفلة، ولكنها الصفحة الاولى في سجلات بقية حياتك.

هالخطوة رح تكون الاصعب، والأسهل .. الاكثر اثارة للاعصاب، والاكثر اثارة. خذي نفس عميق، وخلي قلبك مفتوح، وكوني جاهزة لهالمغامرة الشيقة!




13 views0 comments

Comentarios


bottom of page