الموضة، وبالذات في السنوات الأخيرة هي شيء متفرع، ويللي بناسب صبية، مش بالضرورة يتحول لقاعدة. من الممكن انو اختياراتنا تختلف، ولكن الشيء يللي لازم نتفق عليه هوي أن اختياراتنا لازم تخدمنا بالشكل الأفضل لألنا، يظهر أجمل ما فينا ويعزز الزوايا يللي منحب أن نظهرها. فما بالك لو عم نحكي عالمناسبات السعيدة وحفلات الزفاف، يللي مجبورين نطلع فيها في أبهى حلة !
أوكي، عندما يتعلق الأمر بالجمال والموضة ولفت الانتباه، يجب أن تكون معرفة ما ترتديه على رأس أولوياتك. والعثور على أفضل أكسسوارات الشعر والتيجان هوي يللي رح يكمل طلتك وشعرك ومكياجك، ولهيك لازم تعرفي تختاري اكسسوار الشعر (هيدبيس) أو التاج يللي من ِانو يطلعك في حلة ملكة -يعني عطبيعتك-. وطبعا، عدا عن هيك، الطلة واللبسة المثالية هيي يللي رح تخليكي محط الأنظار، تخليكي تبرزي وتعكس ستايلك.
وخلينا ما ننسى، ان الهيدبيس أو اكسسوار الشعر أم التاج حيكون بمثابة اللمسة الأخيرة لفستان زفافك وطلتك في يوم عرسك، ويخليكي تشعي جمال وثقة. وهلأ جبنالك الأخبار السعيدة، من اليوم ما في داعي تدوري على معلومات ومساعدة، في هالدليل جمعنالك أجمل عشر أكسسوارات شعر / هيدبيس وتاجات لسنة 2021. إنت من أسا في أيادي أمينة.
بشو عم نستنى، خلينا نبلش ..
1. اكسسوارات شعر بطابع الورود والأزهار
وهلأ، بعد ما عرفتي ليش كتير مهم تختاري اكسسوار شعرك بعناية فائقة، اجا وقت تختاري صح.
تاجات واكسسوارات شعر يللي بتيجي في طابع الورود لطالما كانت في الموضة، عصرية، بتدل عالنعومة والجمال، ولطالما اعتمدت عمدار السنين حتى لطبقة الملوك والسلاطين. لحتى اصبحت اكسسوارات الشعر الموردة تحضر في كل حدث مهم وعظيم عمدار السنين.
وطبعا هالشي بيشمل الاعراس وحفلات الزفاف، من شأن الززهور انها تضيف جو رومانسي مطرح ما بتحل، وما بيكمل حفل الزفاف بدون الجوري، والزنبق والازهار عأشكالها، بأمكانك عزيزتي تعتمدي لوك اكسسوار الشعر أو التاج يللي بيحتوي عأزهار وورود لحتى تكملي طابع حفل زفافك، وبهالشي بتطلعي قمة في النعومة والثقة.
طبعا بأمكانك تعتمدي الاكسسوار الملون، متلا ورود بنفسجيه أو وردية، لكن نصيحتنا الك عزيزتني تبقي في نطاق الالوان الفاتحه، متل الأبيض، النيود، الزهر الفاتح جدا، لحتى تضيفو عاطلالتك إشراقة. هالشي ما بيلغي امكانية تنسيق اكسسوار شعرك مع مسكة الورد، او ربطة عنق شريكك، وأكيد اهم شي تكوني انتي عطبيعتك.
نصيحتنا التانيه لألك هي ان تعتمدي الازهار الاصطناعية، نظرا لكون الازهار الطبيعية بتذبل بسرعه خصوصا في ايام الصيف والحر، لوك الازهار الطبيعية فيكي تعتمديه في جلسة التصوير مع شريكك اللي بتسبق الزفاف.
*هالاكسسوار من مجموعة فلورا، يللي بأجمعها مخصصة للأكسسوارات بطابع الورد.
2. اكسسوار شعر مرصع باللولو
بتحبي تطلعي بلوك عصري ومش تقليدي في زفافك؟ فأذا عزيزتي مننصحك تعتمدي لوك اللولو. لما منحكي عن الرقي والأناقة ما فينا اللا نحكي عن اللولو.
قطع المجوهرات المرصعة باللولو بامكانها تضيف للوك زفافك، وبلاخص في حال اعتمدتي فستان زفاف ناعم من الساتان، أو برضو مرصع باللولو. وهيك بتطلعي بأجمل حلة، من دون عناء!
طبعا بأمكانك تختاري الاكسسوار يللي بيحتوى عحجم حبة اللولو يللي بتناسب طلبك، عجميع الجهات، في حال اخترتي اللولو الحجم الكبير أم الصغير حيكون اختيار موفق جدا. في حال فستان زفافك بيحتوي اصلا على لولو، مننصحك تحاول تختاري لون لولو جدا قريب او بيشابه يللي متواجد ع فستانك، ان كان أيفوري، ام ابيض، ام بيج، لحتى ما يظهر اختلاف الالوان عالحقيقة أو في جلسات التصوير.
3. اكسسوارات الشعر الكلاسيكيه
في حدث جدا مهم ومنتظر مثل حفل الزفاف، اكيد حلم كل صبية تطلع في أروع شكل ممكن من رأسها الى اخمض قدميها. وما بننكر انو الاكسسوار الكلاسيكي هوي الأحب على قلبنا ليخدم هالغاية. ما فيكي تكوني اخترتي خطأ لما بتكوني اخترتي اكسسوار كلاسيكي، لأنو وببساطة بيناسب اغلب الطلات، وبيمتاز بالألوان الحيادية متل الذهبي والفضي، فعالأغلب اختيارك حيكون موفق.
اكتر شي منحبو في الاكسسوار الكلاسيكي، انو لوحدو بيحكي عنك، عن شخصيتك، عن اخياراتك، عن نضوجك وعن ذوقك. الاختيار الكلاسيكي يعني الدقة، الهدوء في الطلة، الكاريزما والحضور القوي. وباختيارك اللوك الكلاسيكي بتكوني تركتي انطباع قوي ومميز لدى كل الحاضرين لان ببساطه حتشعي بهالة من النور طول السهرة.
4. مشابك الشعر
الشي يللي ما بدنا ياه يصير أكيد هوي ان يفلت شعك خلال السهرة، أو ما يكون مصفف الشعر ثبتو بالشكل الكافي والطبيعي، بهالشي بتكوني عزيزتي مضيتي ساعات عم تعتني بالميكاب والشعر، لكن مرات غلطات صغيرة ممكن تخرب لوك كامل.
في حال حابة تصففي شعرك لوحدك، او في حال بتحبي تكوني متأكده انو كل شي حيثبت محلو وان بامكانك بنفسك تزبطي تسريحتك ان الزم الأمر، ساعتها مننصحك عزيزتي بمشبك شعر، لأنو الحل الاسهل للأستعمال.
وطبعا اليوم متوفر تشكيلة واسعه جدا من مشابك الشعر يللي بتسمحلك تطلعي بأحلى طلة وبأسهل طريقة.
طبعا هالشي ما بينفي انو بتطبيق سليم من قبل مصفف الشعر الخاص فيكي أي اكسسوار من أي نوع كان حيخدمك كل السهرة عزيزتي، ولكن في حالك كنتي من النوع يللي بحب يوخد كل الاحتياطات، عليكي بالمشبك.
5. تاج زيركون ناعم
ما فينا نتجاهل جمال هالقطعة من تشكيلة ملكة الليل!. طبعا كل اختيار صحيح هوي مبني على عدة أسس، اهمها الجودة والمواد يللي بتخدمنا لأطول مدة زمنية ممكنة. تاج ناعم من الزيركون بيوفرلك حلة ملوكة غير مبتذلة بأفضل وأجود المواد يللي ممكن تستثمري أموالك فيها.
اختيارك للزيركونيا عزيزتي هوي استثمار بحد ذاتو، لأن قطع الزيركونيا بأمكانك تحافظي عليها لمدة سنين، وحتى بناتك يلبسوها من بعدك، وهيك بتكوني خلقتي تجربة وذكريات رائعة حول اكسسوار شعرك. وطبعا هالاكسسوار مطلي بالروديوم يللي بيضمنلك ما يصير عليه ولا أي شي عمدار سنين.
وعدا عن موضوع الجودة، في تاج الزيركون الناعم انت اكيد حتكوني اجمل من اميرات ديزني.
6. تاج اللولو
سبق وحكينا عن جمال اللولو، الثقة يللي بيعطيكي ياها، كيف تختاري اللون والشكل المناسب لألك في بداية المقالة. لكن هالمرة رح نتطرق لتاج اللولو، في حال عزيزتي بتحبي تعتمدي طلة ملوكية ما بتنتسى، ولكن في النفس الوقت انثوية وعصرية، مننصحك تعتمدي تاج مرصع باللولو.
ما في شي ممكن يكمل اطلالتك أكثر من تاج بيسحر، وما تنسي انو قليلة فعليا المرات يللي بأمكانك تظهري مع تاج فيها، وممكن حتى تكون مرة وحده، يللي هي حفل زفافك (طبعا القواعد انعملو لينكسرو ..) لهيك عزيزتي في حال بتحبي تعتمدي لوك ما بينتسى عليكي ب تاج من اللولو.
7. تاج زيركون فاخر
هالاختيار مش سهل بالمرة، ونحنا منعرف ان مش أي صبية بيناسبها تعتمد لوك تاج زيركون فاخر. لكن شي واحد منعرفو ومتأكدين منو، هالصبيه يللي بتعتمد لوك تاج الزيركون الفاخر هي ملكة حقيقية!
ما شي ممكن تعتمديه حيطلعك بلوك فاخر ومميز اكتر من هالتاج من مجموعة "ملكة الليل". بريق الزيركونيا ولمعتو بأكدلك عزيزتي حيحكو عنها الناس سنين لقدام.
يعني لوك بيسحر.
لوك ملوكي بامتياز، يعني منغدر نناديكي جلالة العروسة.
8. اكسسوار الشعر المميز والفريد
في حال كنتي صبية بتحب كل جديد، وبتجرب كلشي فريد ودايما بتطبع بصمتها الخاصة في أي لوك بتعتمدو، اذا عزيزتي نصيحتنا الك، برضو في اختيار اكسسوار الشعر تختاري الشي الفريد والمميز. مثلا هالاكسسوار الأخّاذ من مجموعة فلورا بيجمع فداخلو اللولو، الدانتل، الابيض والذهبي بشكل بيسحر!
الشي الأكيد انو حتى لو كانو كل الصبايا بالحفل لابسين نفس الفستان، باعتمادك هالاكسسوار حتكوني انت الوحيدة اللي مضوية الحفل.
9. اكسسوار شعر من الجهتين
طبعا هاللوك هوي من أكتر اللوكات عصرية، عمدار السنين عم نشوف اكتر واكتر موضات متجدده ومختلفة، وما عاد اكسسوار الشعر بيقتصر على اكسسوار الجهة الوحده. بأمكانك عزيزتي هلأ تعتمدي اكسسوار جريء ومميز بيعانق شعرك من الجهتين.
واكتر شي منحبو في هالاكسسوار انو ما بيلزمنا في تسريحة شعر فارد أو مرفوع، لان بامكانك تعتمديه تقريبا مع أي تسريحه بدون أي عوائق.
10. اكسسوارات البوهو ستايل
مع هالاختبار ما فيكي تهكلي الهم، في حال حتلفتي الانظار أم لا، لانك اكيد حتكوني اكتر عروس مميزة لهالسنة. طبعا كل الصبايا يللي مواكبات امور الموضه بيعرفو كم موضة البوهو عم توخد حيز من تصاميم الازياء، وحتى البيوت!، لهالشي نحنا مندعيكي تكوني مواكبة الموضه وتعتمدي لوك بوهو ستايل بأجمل لحظات حياتك.
البوهو ستايل بالعادة بيتميز في بساطتو وعشوائيتو، اوراق الذهبية، ورود، وبيعتمدوه الصبايا يللي بحبو يبرزو شخصيتهم المميزة. وكوني اكيدة انو ستايل البوهو بيتماشا مع اي تسريحة حتختاريها، لكن نصيحتنا تعتمدي هالاكسسوار ع الشعر الفارد المموج، وحتكون عروس بتسحر!
عزيزتي في النهاية، منحب نذكرك تختاري بكل دقة وعناية كل تفاصيل لوك عرسك. الفستان، الحذاء (ما تنسي يكون مريح)، الاكسسوارات واكسسوار الشعر، العطر، مسكة الورد وكل التفاصيل الاخر.. لكن اهم شي بالموضوع انو كل هالتفاصيل لازم تشبهك وتمثلك وتبرز جمالك بأفضل شكل ممكن!