ما بين التيجان الساحرة، اكسسوارات الشعر اللافتة، والهيدبيسز الرقيقة، كيف رح تعرفي تختاري؟
لا شك أن حفلة الزفاف هي أجمل أيام حياتك، واكثرها ارهاق. من اختيار طابع ونمط الحفل، لاختيار الفستان.. كتير امور لازم تتقرر وتتنفذ. ومن ضمن هالامور اختيار اكسسوار شعرك، البحث عن مجوهرات الشعر يللي بتناسب فستان الزفاف وذوقك بالاساس هوي مهمة مش سهلة بالمرة. في حال حسيتي حالك ضايعه بين الهيدبيسز، مشابك الشعر، اكسسوارات الشعر، التيجان ما في لزوم تهكلي الهم بعد. نحنا منعرف لأي درجه هالاختيار ممكن يكون مربك ولهيك جمعنا ليست نصائح يللي من شأنها تساعدك في الاختيار. فعليا الاختيار الصعب قمتي فعليا فيه، لما اخترتي الشخص المناسب، والباقي اتركيه علينا.
1. متى يتم اختيار اكسسوار الشعر؟
نحنا منعرف لأي درجه سهل تلاقي حالك ضايعه بين كل القطع يللي بتوخد العقل بلمعانها وبريقها وانواعها، وحتبلشي تفكري في القطع نفسها وكيف رح تطلع رائعه بدون ما تفكري بلبستك ككل، فستانك وبقية اللوك. نصيحتنا لالك عزيزتي دائما تختاري اكسسوار الشعر بعد اختيار الفستان فورا، لحتى تضمني انهم مناسبين لبعض، ومع بعض بيكملو طلتك بشكل خلاب. في حال ما اتبعتي نصيحتنا، ممكن تلاقي حالك مع فستان بياخد العقل، واكسسوار بياخد العقل، لكن ما بيشبهو بعض في شيء.
2. شو هوي الستايل المثالي؟
وهلأ بعد ما عرفتي متى تختاري اكسسوار شعرك، اجا وقت تعرفي كيف تختاري القطعة المثالية.
ومتل دايما أول نصيحه هي ان ما تنسي تختاري القطع يللي بتشبهك! وبتعبر عنك! هاليوم هوي يومك ولازم تشعي في وتكوني في قمة الراحة والجمال.
أي شخص هوي انتي؟
هالشخص هوي يللي لازم يلمع!
على سبيل المثال، هل بتنجذبي للصور الكلاسيكية، لظلال الاكسسوارات على رأسك، مثل مجموعة "ملكة الليل" ؟ أم بتفضلي الجمال اليوناني الاغريقي، وبتحبي تطلعي بشكل ملكة اغريقية؟ اذا تفقدي مجموعة افروديت يللي من الممكن انها تناسب ذوقك. في كتير اصناف، وتصاميم يللي بتتنوع من الكلاسيكي للموديرن والستايل البوهو، عليكي اولا انك تختاري شو هوي اللوك يللي بيمثلك وبيشبهك، ومن بعدها اكيد رح ترسي عالقطعة المثالية.
3. فضي ؟ ام ذهبي ؟ ام مع لولو ؟
هالسؤال محيرنا من سنين، لطالما احترنا، منحب الفضي والذهبي وبدنا نختار منهم لا مفر، لكن كيف منتخذ هالقرار؟
اللون يللي رح تختاريه يجب انو يتناسب مع لون فستانك، بشرتك، وشعرك.
يعتبر الذهبي مثالي للصبايا يللي درجات بشرتهم دافئة، وبيتماشى مع فساتين الزفاف يللي الوانها فاتحة، وذهبي طبعا.
* تفقدي مجموعتنا فلورا، يللي بتمتاز بالعديد من القطع الذهبية.
أما عن اللون الفضي، فبيتماشى جدا مع البشرة ذات اللون البارد وبيتناغم بشكل رائع مع اللون الأبيض والعاجي (ايفوري).
* تفقدي مجموعتنا ديجور، يللي بتمتاز بالعديد من القطع الفضية.
وطبعا ما فينا نتجاهل نصائح ايقونة الموضة كوكو شانيل واختيار اللؤلؤ الفخم. يللي بامكانو يطغي الفخامة الرقي والاناقة على اي لوك ممكن تعتمديه.
4. نوع الاكسسوار: هيدبيس / تاج ؟
طبعا، احتمالات الاختيار لا متناهية، ولهيك اخترنالك اكثر 3 ستايلات منحبها ومننصحك تعتمديها، طبعا في حال لقيتيها بتناسبك.
في حال بترغبي الكل يشوفك ملكة حقيقة، عليكي عزيزتي تعتمدي ستايل التاج الملوكي.
وبالذات التاجات يللي مرصعة بالاحجار متل الزيركونيا، لأن لا يعلى على بريقها، تفقدي هالتاج الكلاسيكي من مجموعة "ملكة الليل"!
هالتاج المميز من تشكيلة "ملكة الليل" بامكانك تعتمديه تماما لوحدو، مع الطرحة بيوم عرسك، وحتكوني اجمل عروس! هالتاج بيتناسب مع شعر مرفوع، او حتى شعر مفرود تماما.
الهيدبيس، أي اكسسوار الشعر -متل اكسسوار الشعر المرصع باللولو والكريستال من مجموعة ديفا - بيوفرولك احتمال رائع في حال بتحبي لوك انعم، واقل حدة، لكن خلاب بنفس المقدار. طبعا اكسسوار الشعر بامكانك تعتمديه مع شعر مرفوع، وهالشي بيعطيكي سحر وجاذبيه خيالية، وفي نفس الوقت بامكانك تعتمديه مع لوك شعر منسدل. وحتى لو بتقرري تعتمديه في الجهة الخلفية من التسريحه، بضمنلك تكوني كل الوقت عم تدوري على مراي لحتى تشوفيه.
دايما خليكي متذكرة، هاليوم هوي يومك. كوني حقيقية، واختاري القطع يللي تكمل اطلالتك تكون اكتر شي بيشبه تفاصيلك.
منتمنالك كل السعادة والحظ بمغامرتك يللي عم تقبلي عليها!