بلانر زفافي
عرسك قرب ومحتارة من كترة الضغوطات والتفكير؟
حاسة المسؤولية كتير كبيره وبحاجه انك تمرقي هالفتره بسلام وراحة وبلا ضغط؟
خايفه يجي عرسك وانتي ما لحقتي تنبسطي بالترتيبات والتجهيزات، أو الكابوس الاسوأ، ما تنبسطي بيوم العرس!؟
انا موجودة هون لحتى اساعدك تهدي نفسك اهم هدية في العالم: الوقت
!
الوقت انك تكوني، وانك تعيشي اللحظة.. وعشان تهدي لحالك الوقت في اهم ايام عمرك لازم تفكري، وتخططي وتكوني منظمة.
بلانر زفافي هوي مخطط بساعدك ترتبي لكل تفاصيل عرسك بدون ضغط أو وتوتر، وبعطيكي الفرصه انك تعيشي اللحظه،
والأهم: أجمل ذكرى ممكن تبقى معك من يوم زفافك !
تقسيم البلانر:
البلانر مقسم لأربع أقسام:
بالقسم الأول: رح نخطط للأمور الاساسية وال"big rocks" في العرس، رح تحصلي على برامج للتخطيط لأهم الخطوات بالتخطيط للعرس .. مفصل بالضبط حسب الاشهر والاسابيع .. شو لازم تسوي بكل فترة بالتفصيل!
ومش بس .. رح يكون دليل ونصائح عامة جدا مهمة ومهم تعملي حسبها ! بتصدقيش قديش اشيا رح تكوني ناسيتيها هون، ووظيفة هالقسم يمنعك تنسي أي شي.
بالقسم الثاني: رح نخصص لكل موضوع بحاجة لتخطيط برنامج عمل كامل ومفصل، يشمل لوائح مقارنة لاتخاذ القرارات، لوائح ترتيب وتخطيط الميزانية، ولوائح لتخطيط أيام العرس بالتفصيل، يشمل مهام كل شخص بالعرس، وبالأضافة لبرنامج سنوي كامل لحتى يساعدك تخططي شهرك، مواعيدك المهمة، قياسات، مقابلات مع مختصين وما الى ذلك.
بالقسم الثالث: رح نخطط لحفل توديع العزوبية!.
وبالقسم الرابع: رح نخطط مع بعض شهر العسل ورح تحصلي على برنامج كامل لشهر العسل مع نصائح لأمور ممنوع تنسيها وحتى شنطة السفر رح يكون لائحة بشو تعبيها!